ពត៌មានចុងក្រោយក្នុងដៃអ្នក: ស្ទាវ២ក្រុមឌឺដងពាក្យសម្តីដាក់គ្នាផ្ទុះហិង្សាមួយប្រាវ សមត្ថកិច្ចក្របួចបាន២នាក់

បញ្ចូលអត្ថបទ ៖ ព្រះអាទិត្យ

ថ្ងៃអង្គារ ទី២១ ខែកក្កដា ឆ្នាំ២០១៥ ម៉ោង ១៧:០៩

រាជធានីភ្នំពេញ ៖ យុវជនស្ទាវ២ក្រុមបានឈ្លោះទាស់ពាក្យសម្តីគ្នាយ៉ាងខ្លាំង រហូតឈានដល់ការប្រើហិង្សាដេញវាយកាប់ចាក់គ្នាផ្អើលពេញផ្លូវ ខណៈនោះក៏មានប៉ូលិសប៉ុស្ដិ៍ចោមចៅកំពុងល្បាតចាប់ក្មេងទំនើងបានចំនួន២នាក់ភា្លមៗ និងដកហូតដាវសាមូរ៉ៃ១ដើម បញ្ជូនទៅសួរនាំនៅប៉ុស្ដិ៍ទាំងយប់ ។

ហេតុការណ៍នេះ កើតឡើងកាលពីវេលាម៉ោង១១ និង២០នាទីយប់ថ្ងៃទី២០ កក្កដា ២០១៥ ស្ថិតនៅលើបណ្តោយផ្លូវវេងស្រេង ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។

ប្រភពឱ្យដឹងថា ជនស្ទាវទាំង២ក្រុមនោះ ម្ខាងមានគ្នា២នាក់ និងម្ខាងទៀត មានគ្នា៤ទៅ៥នាក់ ហើយនៅមុនពេលកើតហេតុជនសង្ស័យទាំង២នាក់បានចូលទៅរាំលេងនៅក្នុងក្លិបស្ពាយឌ័រ មានទីតាំងស្ថិតនៅក្នុងភូមិកើតហេតុខាងលើ លុះពេលរាំសប្បាយ រួចក៏នាំគ្នាចេញពីក្លិបវិញ បំណងត្រឡប់ទៅផ្ទះ ខណៈដែលកំពុងតែដើរនៅតាមផ្លូវ ក៏ស្រាប់តែមានក្រុមស្ទាវមួយក្រុមទៀត មានគ្នា ប្រមាណ៤ទៅ៥នាក់ បានដើរមកសម្លឹងដាក់គ្នានិយាយ ផ្លែផ្កាបោះពាក្យសម្តីដាក់យុវជន២នាក់ខាងលើ ហើយក៏មានការតបតទៅវិញទៅមក រហូតផ្ទុះហិង្សាដាក់គ្នាតែម្តង ។

ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព